Rutas

Aquí poderás atopar algunha das sendas máis coñecidas de Redondela con información sobre os diferentes puntos culturais e historícos de cada unha.

Fervenza da Feixa

Este pequeno recuncho permaneceu no olvido, ata o ano 2014, ano no que foi posto en valor, sinalizado e acondicionado como unha senda para poder observar esta fantástica fervenza, coñecida co nome de Fervenza da Freixa, en Santo Paio de Abaixo, na parroquia de Reboreda.

Miradoiro do
Campo da Rata

Este banco foi instalado de maneira anónima en agosto de 2015. A paisaxe que se divisa desde el é realmente impresionante. A súa situación alta e estratéxica permítennos observar as illas Cíes que dan entrada á Ría de Vigo, o estreito de Rande e a inmensidade da baía de San Simón. Un lugar excepcional que cada vez atrae a máis e máis visitantes.

Paseo da Portela

Este paseo de madeira discorre ao longo da desembocadura do río Alvedosa, despois de atravesar todo o centro urbano de Redondela e chega ata o emblemático barrio da Portela. Ten unha lonxitude aproximada de 1,5 km e foi habilitado en 2010.

Petróglifos das Porteliñas

Estes grabados rupestres presentan unha variedade de figuras talladas na pedra, que inclúen círculos concéntricos, formas xeométricas, representacións de animais e posiblemente símbolos relacionados coa cosmología ou a vida cotiá das antigas comunidades que datan da Idade do Hierro e crese que teñen unha antigüidade de arredor de 2.000 anos.

Petróglifos
de Chan da Cruz

Aos pés do mesmo Monte Penide existe unha gran roca con grabados. É o conxunto de petróglifos de Chan da Cruz. A súa orixe remóntase seguramente á idade moderna. Crese que estes petróglifos teñen un significado relixioso ou ritual, posiblemente relacionado con crenzas ancestrais e prácticas cerimoniais das antigas comunidades que habitaban a zona.

Ruta das Pedras de Ventosela

Trátase dun roteiro circular dun 10 km. O percorrido comeza na zona da casa da cultura de Ventosela, pasando pola Igrexa parroquial e sempre en ascenso, ata a Pedra Taió, o punto máis alto do camiño, desde o que poderemos mirar unhas fermosas vistas sobre a Ría de Vigo.

Senda da Auga

Esta senda discorre por diversos accesos e vías de servizo da canle que transportaba auga desde o encoro de Eiras, en Fornelos de Montes, ata Vigo. O tramo do municipio de Redondela, discorre por unha zona rodeada de bosques e regatos, e desde onde se contempla boa parte da ría de Vigo e da Ponte de Rande.

Do mesmo xeito que o Mellor Banco do Mundo, en Cedeira, a miradoito do Outeiro Grande ofrece espectaculares vistas da Ría desde unha nova perspectiva, neste caso protagonizada pola enseada de San Simón, a ponte de Rande e as Illas Cíes de fondo.

Parque do
Coto da Aguia

Esta zona de recreo atópese situada na zona do Monte Penide, un lugar desde o que se poden visitar petróglifos e outros restos arqueolóxicos. Na área de merendeiro atopámonos con multitude de bancos e mesas de pedra baixo a sombra das árbores.

Sendeiro do Río Maceiras

Este senda parte desde a zona do Salgueiral, no centro urbano de Redondela, e chega ata a Fonte da Lama, na parroquia de Cedeira, seguindo o curso do río. Este roteiro utilízano a diaron moitos veciños desta parroquia para desprazarse a pé a Redondela evitando a perigosa estrada N-555 (Redondela-Peinador).

Camiño da Fonte de Ribas

O Camiño da Fonte de Ribas se extende por Redondela, se ben a importancia deste camiño está no final, onde hai un roteiro considerado como un dos antigos sendeiros polos que transitaban os peregrinos durante o Camiño de Santiago.

Illa de San Simón

As illas de San Simón e de San Antón son un excepcional e paradisíaco enclave situado na enseada da ría de Vigo, cunha forte carga simbólica colectiva vinculada cos seus diversos papeis ao longo da historia: testemuña de traxedias e avatares marítimos, refuxio monacal, lazareto para enfermos infecciosos, cárcere do réxime ditatorial franquista para illamento político...

Fervenza do Rachón

A Fervenza de Rachón, en Redondela, é unha fervenza situada no río Alvedosa, situado nunha preciosa contorna natural. Ao seu lado, xunto ao río, hai un antigo muíño, aínda que o seu estado de restauración non é o mellor.

Sendeiro do Banco de Redondela

Este sendeiro se trata dunha ruta circular na que se poden observar varios muíños que aínda conservan a sua estrutura e mesmo a pedra, a pesar do estado no que está o seu exterior. Ademais, conta cunhas escaleiras para chegar ao punto máis alto e poder observalos dende aí.

Senda Chapela-Vigo

A Vía Verde, un carreiro para camiñantes e bicicletas que discorre sobre o antigo trazado das vías do tren entre Vigo e Redondela (por agora ata Chapela, pero con proxecto de ampliación), é un espazo que os cidadáns empezan a coñecer e usar para facer exercicio, pasear ou aproveitar para facer desprazamentos sen ter que utilizar os seus vehículos.